Bir neçə gün əvvəl Apple bildirib ki, markalı kompüterlərdə və noutbuklarda artıq şirkətin öz prosessorları istifadə olunacaq.
Və bu gün proqram tərtibatçılarına Developer Transition Kit (DTK) komplektləri təqdim edilib. Əlbəttə ki, ilk test nəticələri İnternetdə dərc olunub.
Geekbench 5-in ilk sınaqlarının nəticələrinə əsasən, yeni məhsul Intel Core i3-1000NG4 prosessoru ilə olan Apple MacBook Air 2020-ə uyğundur. Belə bir laptopun qiyməti 1000 dollar, proqramçılar üçün olan komplekt isə 500 dollardır.
Rəqəmlər ilə nəticələr belə görünür: Apple A12Z ilə DTK birnüvəli Geekbench v5 testində 833 bal, çox nüvəli testdə isə 2582 toplayıb.
Developer Transition Kit-in əsas xüsusiyyətləri bunlardır:
• prosessor: Apple A12Z Bionic;
• Operativ yaddaş: 16 GB;
• disk qurğusu: 512 GB SSD;
• xarici portlar: iki USB-C və USB-A, eyni zamanda bir HDMI 2.0;
• simsiz 802.11ac Wi-Fi adapteri;
• Bluetooth 5.0 üçün dəstək;
• Gigabit Ethernet portu.
