Apple şirkətinin təqdim etdiyi 27 düymlük iMac, 10-cu nəsil Intel prosessoru, iki dəfə artıq yaddaş və yeni nəsil AMD qrafik prosessoru ilə təchiz edilmişdir.
27 düymlük iMac, həmçinin Retina 5K nano-toxumalı şüşə ilə təchiz olunan monitora, 1080p qətnaməli FaceTime HD kamerasına, daha dəqiq dinamiklərə və studiya keyfiyyətli mikrofona malikdir. 10-cu nəsil Intel prosessorları 6, 8 və ya 10-nüvəli ola bilər. Mərkəzi prosessorlar Turbo Boost dəstəkləyir və bunun sayəsində tezliyi 5,0 GHz-ə çataraq ümumi məhsuldarlığı 65%-ə qədər artmasını təmin edir. Yeni iMac monoblokun operativ yaddaşı 128GB-dır.
27 düymlük iMac, videokart əsasında vizuallaşdırma (render), 4K videoların çoxaxınlı montajı və mürəkkəb qrafikalı oyunlar üçün növbəti nəsil AMD istehsalı qrafik prosessorla təchiz edilmişdir. Bu qrafik prosessorları, AMD Pro 5000 seriyalı adapterlərdən 55% daha çox sürətlidir, həmçinin yüksək məhsuldarlıqla bərabər az enerji sərfini təmin edən AMD RDNA arxitekturası ilə təchiz edilmişdir.
İlk dəfədir ki, Apple şirkətinin yeni monoblokunu, 16GB yaddaşlı qrafik prosessor ilə almaq olar, bu da əvvəlki nəslin videokart yaddaşından iki dəfə çoxdur. Yeni 27 düymlük iMac standart konfiqurasiyası SSD sabit diskləri ilə təchiz edilir, ancaq 8TB-lıq SSD disk seçimi də var. Həmçinin Apple şirkətinin xüsusi sifarişi ilə hazırlanmış ikinci nəsil T2 Security silisiumlu çipin yaddaş nəzarətçisi vasitəsi ilə SSD diskdə olan bütün məlumatı şifrləmək mümkündür.
Retina 5K monitorunda, True Tone texnologiyası sayəsində ətrafdakı işıqlanmaya görə ekranın rəng temperaturu tənzimlənir. Bu iMac ekranı nano-toxumalı şüşədən ibarətdir. İlk dəfə belə şüşəli ekran Pro Display XDR monitorlarında təqdim edilmişdir. Bu texnologiya, çox işıqlı otaqda və ya ekranda əks olunan günəş işığı şəraitində daha yaxşı görmək imkanını yaradır.
27 düymlük iMac kompütürləri 1800 dollara bu həftə ABŞ-da satışa çıxarılacaq. Bununla yanaşı, müvafiq olaraq 1100 və 5000 dollardan başlayaraq 21.5 düymlük iMac və iMac Pro yenilənmiş modelləri də satışa təqdim ediləcək.
