Florida ştatındakı Tampa şəhərinin 17 yaşlı sakini, iyulun 15-də İlon Mask, Bill Qeyts, Jeff Bezos və başqaları kimi məşhur şəxslərin hesablarına təsir edən Twitter sosial saytını sındırmaq üçün ictimai mühəndislik hakerlər hücumuna görə həbs edildi.
İstifadəçilərdən bitkoinləri pulsuz olaraq bağışlamağı xahiş edən saxta mesajları yayımlamaq üçün ötən ay bir neçə məşhur Twitter hesablar ələ keçirildi. Qraham Ayven Klark (Graham Ivan Clark) haker hücumunun təşkilatçısı olaraq həbs olundu. Mövcud məlumata görə, bir gündə haker hücumundan 100.000 dollardan çox qazandı.
Tampa Bay Times nəşrinin verdiyi məlumata görə, Florida Prokuroru Endryu Uorren (Andrew Warren) bu cinayəti “əvvəllər görünməmiş bir miqyasda yüksək səviyyəli təşkil edilmiş hücum” adlandırdı.
Klark 30 ittihamla üz-üzədir: bir ittiham, məbləği 50.000 dollardan çox təşkil olunmuş dələduzluq; 17 ittiham, telefon dələduzluğu; bir ittiham, ağır şəraitdə şəxsi məlumatın oğurluğu; 10 ittiham, şəxsi məlumatların oğurluğu; bir ittiham, dələduzluq planını həyata keçirmək üçün haker hücumlarının təşkili və kompüterə qanunsuz giriş.
