Turtle Rock studiyası öz növbəti Back 4 Blood layihəsinin ilk posterini tanıtdı.
Hələ ki, Left 4 Dead və Evolve oyunlarının yaradıcıları tərəfindən yenilik haqqında kifayət qədər məlumat verilməyib. Yəqin ki, kooperativ zombi-döyüşünün pərəstişkarlarını, ənənəyə uyğun olaraq böyük zombi sürüsü, sujetli oyun rejimi və oyunçular arasında qarşıdurma rejimi ilə yanaşı hansısa digər yeniliklər də gözləyir.
Oyunun naşiri kimi Warner Bros studiyasının oyun şöbəsi çıxış edir, baxmayaraq ki, studiya bu şöbəni 2-4 milyard dollara satmaq niyyətindədir. Back 4 Blood oyunu ilin sonundan tez olmayaraq PS4-də, Xbox One-da və PC-də dərc olunacaq.