Mission: Impossible (Missiya: Qeyri-mümkün) casusluq trillerinin əsas rollarından birinin ifaçısı Rebekka Ferquson (Rebecca Ferguson) yeddinci seriyanın çəkilişlərinin davamına hazırlaşır. Instagram sosial şəbəkəsindəki rəsmi səhifəsində o, odlu silahla məşqləri zamanı çəkilmiş fotoşəklini yayımladı.
Çəkiliş qrupunun 2020-ci ilin sentyabrında işə qayıdacağı daha əvvəl bildirilmişdi. Xatırladaq ki, Mission: Impossible 7 filmin çəkilişləri İtaliyada 2020-ci ilin fevral ayında baş tutmalı idi, lakin yeni növ koronavirusun başlaması səbəbindən dayandırıldı və qeyri-müəyyən müddətə təxirə salındı.
Baş rolu, bütün əvvəlki hissələrdə olduğu kimi Tom Krus (Tom Cruise) ifa edəcək. Britaniyalı aktyor Nikolas Holt (Nicholas Hoult), antaqonist rolunu ifa etməli idi. Lakin çəkiliş qrafiklərinin münaqişəsi səbəbindən filmdə iştirakından imtina etməyə məcbur oldu. Qrafikin dəyişdirilməsi Paramount studiyasına relizin tarixini də dəyişdirməyə məcbur etdi.
Casus triller filminin yeddinci hissəsinin premyerası 2021-ci ilin Noyabr ayına təxirə salındı.
