Codemasters studiyası, Formula 1 avto yürüşlər haqqında oyun simulyatorunun əsas xüsusiyyətlərinə həsr olunan yeni video təqdimatı yayımladı.
Oyunçuları aşağıdakılar gözləyir:
- Mənim komandam rejimi;
- Bölünmüş ekran (Split screen) rejimində oyun;
- 10 mövsümlü karyera rejimi;
- “Formula 2” – tam mövsüm, yarım mövsüm və ya üç yarış (2020 mövsümü bu il ərzində pulsuz yeniləmələr ilə birlikdə əlavə olunacaq);
- Mövsümün müddətini seçmək imkanı (10, 16 və ya 22 yarış);
- 2 yeni yarış dairəsi – Hanoy (Vyetnam) və Zandvort (Hollandiya);
- Yeni müqavilə sistemi;
- Arxaya baxmaq üçün virtual güzgü;
- İdarəetmə yardımını fərdiləşdirmək imkanı;
- Klassik avtomobillər;
- Avtomobili və sürücünü fərdiləşdirməyə istifadə olunan əşyaları qazanmaq üçün Podium Pass;
Qeyd edək, bu F12020 oyununda yarış dairələri siyahısında paytaxtımızda yerləşən sürətli motor yarışması dairəsi – Bakı Şəhər Halqası da var.
F1 2020 İyulun 10-da PC, PlayStation 4, Xbox One və Google Stadia-da dərc olunacaq. Lakin Michael Schumacher Deluxe Edition versiyasının alıcıları oyunu üç gün əvvəl – 7 iyulda əldə edəcəklər.