Çin şirkətinə məxsus olan AppGallery mobil tətbiqlər dükanına çox sayda müstəqil xarici istehsalçıların diqqətini cəlb etmək üçün Huawei güclü bəyanat yaydı.
Tətbiqetmə istehsalçıları AppGallery dükanında ilk bir il ərzində etdikləri satınalmalardan gələn gəlirlərdən Huawei şirkətinə komissiya ödəməyərək, tam 100%-ni əldə edəcəklər. Bu bəyanat oyunlardan başqa bütün tətbiqetmələrə şamil olacaq.
Qeyd edək ki, Apple və Google şirkətləri mobil dükanlarında edilən hər bir satınalmadan 30% komissiya götürür və buna nəzərən Huawei tərəfindən edilən təklif istehsalçılar üçün çox maraqlı və perspektivli bir addımdır.
Startaplara və azad tətbiq istehsalçılarına dəstək vermək, eləcə də informasiya texnologiyaları bazarını stimmullaşdırmaq üçün bu, Huawei tərəfindən atılan addımdır. Növbəti illərdə təhsil tətbiqetmələrdən əldə edilən gəlirlərin 90%-i, qalan tətbiqlərdən isə gəlirlərin 85%-i istehsalçılara qalacaqdır. Birinci və növbəti illər ərzində mobil oyunu istehsalçıları isə qazancın 85%-nə sahib olacaqlar.
