Geekbench 5 məlumatlar bazasında, Intel Core i7-1165G7 prosessorunun sınaq nəticələri göstərildi. Adı çəkilən prosessor Tiger Lake xəttinin dörd nüvəli nümayəndəsidir. Intel tərəfindən təqdim olunan bu prosessor tək və çox nüvəli rejimdə işləyən AMD Ryzen 7 4800U ilə müqayisə olunur.
Göstərilən nəticəyə görə, Ryzen 7 4800U tək axınlı testdə 5584 bal topladığı halda, Core i7-1165G7 eyni testdə ümumi olaraq 6737 bal toplayıb. Nəzərinizə çatdıraq ki, bu test üçün takt tezliyi daha önəmlidir. Core i7-1165G7 prosessorun takt tezliyi 2,8 – 4,7 GHz olan halda, Ryzen 7 4800U prosessorunda göstəricilər 1.8 – 4.2 GHz olaraq aşağıdır.
Amma, Ryzen 7 4800U prosessoru çox axınlı testdə 27538 bal toplayıb. Intel-dən olan prosessor bir az geridə qalaraq 23414 bal toplaya bilib. Bunun səbəbi AMD çipi Intel çipi ilə müqayisədə sayca iki dəfə çox fiziki və virtual nüvəyə malik olmasıdır.
